Apaarte Grunneger

Moi ik ben Otto.
k woon in Maiden vertel nait precies woar dat mag nai van mien Moeke.
k ben 13 Joar.
En ik ga joe oetstokken wat veur Grunneger ik ben.
k Ben ain geboren Maidemer en woon er al mien haile leven.
Ain echte Maidemer kin ontholden as ain olifant
joe waaiten wel net as dei recloame van de Rolo Sukkeloa.

Heb ook nog ain bruier dei 2 joar older is as mie, ook hij is ain echte Maidemer.
Over hom heb ik nog ain vertelsel. Hij denkt dat hij goud motorrieden kin
Joe kennen dat wel zo’n leutje motortje en toun ging hij in ploats van remmen gas geven en mit ain noodgang de Hoageldoorn in!
Mien Pabbe wol nog ain foto moaken…. moar dat huufde al nait meer
Soavends het mien pabbe wel 50 stiekels uut zien lichoam hoalt!

Nou even weer over mie ik ben een roare Grunneger
zo ging ik in Wedde noar school…. dat ligt in t mooie Westerwol.
Ben hier ook nog ain poar joar hin west moar ik was zo’n apaart geval dat het beter
veur mie was om noar ain andere school te goan, doar heb ik allemaol andere dingen leert zoals bieveurbeeld Grunnings en Noabauweln
dat ben roare stemmetjes en nije kameroaden heb ik er ook kregen.
Dat ik ain beetje een roare bin komt omdat een aigen stiel heb ik ben gek op zwarte
klaaier en ‘k heb biezunder hoar moar onder al dat zwarte droag ik mien kissies
Humor heb ik doar ook kregen dat het mien kameroad mie aanleert.
Tegenswoordig goa ik in Scheemde noar ’t Dollard, noar ‘t Veurtgezet Onderwies
Da’s ain mooi eindje fietsen vanoaf Maiden moar het is ’t doun.

Geliek ain poar moppies.
Wat stait er op het graf van ain schoonmoakster?
Opgeruumd stait netjes

Waorom gait aine van 12 joar mit zien Pabbe noar de film?
Het is veur 12 joar en older…..

Dat is nait slecht he….veur ain jong woarvan ze zeggen dat hij Asperger het
Ik zeg wel ains tegen mien moeke…..
Ik maark er niks van dat ik Asperger heb din zegt zij nee… moar wie wel!
Aspergers…. gatver… ik lust dei dingen nait ains.
Geef mie moar Stopvaarve, Maus of Haite Bliksem….
Van mien Opoe….. oh, dei ken toch zo lekker koken
Zij komt van t Hooge Laand en ken zo lekker eten kloar moaken.
Soep van mien Opoe dat is toch zo lekker
Er zit van alles in…. veul Baln…. Praai… nog meer Baln….

Dat Grunniger eten, dat heb ik laiver as loempia’s en taco’s…..
En dat moakt mie ain echte Grunneger!

Otto Loots Maiden

Het jurycommentaar:
Verhoalen klaainen
 
In dizze categorie is der mor ain verhoal binnen komen. Dij krigt dus eerste pries, zollen je zeggen. Zo makkelk ligt dat nait. t Verhoal mout ter wel aansproak op
moaken kinnen! Was t nait goud, din was de pries nait toukend. Otto Loots, 13 joar old, het n verhoal schreven over zukzulf en krigt n eerste pries.
Otto schrift (met n beetje hulp van zien moeke) over hou hai is, n echte maidmer. Hai verteld wat mopkes en dat hai Asperger het en nait van ‘asperges’ holdt. Hai lust groag stopvaarve, mous en haide bliksem. n Hartstikke spontoan verhoal.