Grode Gedichtenoavend in Marktzicht te Drachten
Door MiddenGroninger op 21 januari, 2019 - 11:24Vrais literair tiedschrift Ensafh organiseert weer zien joarliekse Grode Gedichtenoavend. Dizze moal wordt t in Kefee Marktzicht hòlden op 8 feberwoarie 2019. Elke dichter in wat veur (streek)toal ook kin mitdoun. Joe huiven nait ais dichter te wezen, joe kinnen ook n vers van joen favoriete dichter veurlezen. Ineke van der Heide zel veurlezen oet t op zulfde dag bie oetgeverij Hispel verschienend bouk mit kinderverskes ‘Broek mei bûsen’. Dichters en veurlezers op d’oavend kriegen as tegenprestoatsie dizze oetgoave cadeau.