T Centrum van Zuudbrouk gait op de schop.
Zel ook ains een keer tied worren, mor dat ze din ook in ain loop de Broeckhof tegen de vlakte willen gooien, gait mie toch te ver.
Dat er achterstallig onderhold is wil ik wel leuven, mor wel zien schuld is dat?
Hebben ze mischain al wel langer waiten wat of de plannen waren en hebben ze der doarom niks aan doan?
Gait het net zo mit de Broeckhof as toundertied mit ons zwembad, n zetje niks aan doun din gait het vanzulf wel of.
De Broeckhof is n plek woar veul minsen heur dieverdoatsies hebben en woar kriegen wie zokswat weer.
Netuurlijk, appartementen binnen ook mooi, mor hebben wie zo n verlet om zukse dingen?
Der stoan al n tiedje appartementen leeg, binnen mischain duur in de verkoop, mor as ze nou ook ains in de verhuur goan, kinnen minsen ze din nog wel betoalen van heur AOW?
Dat er wat doan mout worren, a la bonneur, mor blief van de Broeckhof of.
Minsen in Menterwolde, pas op joen tellen, veur je der op verdacht binnen, heb je ook gain dorpshoes meer.
Wel moakt zoch staark veur de Broeckhof.
Mien stem heb je.

Atty Roos