De Lougster ‘Treurwilgboom’

Poot deur rieke boeren, 
In luxe slingertoen,
Nog in de ‘gooie’ tied,
Ston doar aal honderd joar’
Te treuren in ons Loug.
Hai zag de Duutsers kommen,
Hai zag de Duutsers goan,
En ook de Canadezen’
De oorlog was dou doan.
Doar kwam de motorzoage,
Mit veul gebeer om d’houk,
Ik kreeg ‘t al in de moage,
Het leek mie nait huil klouk.
Noa mor ‘n stief ketaairtje,
Was e aal zien veren kwiet,
Ik was ja glad vergeten,
Het is ‘n aander tied.
 
Noa alle rauwe schenen,
Is noa Gemainte Menterwolde,
Zunder ain ‘kritisch’ woord,
Ook onze LougsterTreurwilgboom,
‘Gewoon’, veurgoud verdwenen!!
Berend Hooijer