Grunnigermiddag

Oafgelopen joarmaarkt waren wie wat laidjes aan t zingen bie de kroam van de kerke. We werden aansproken deur ain vraauw dei vroug of wie ook verzoukjes deden. As wie t nummer kenden, den gingen wie dizze zingen, mor wie kenden t laidje nait. Toun wie t laidje op gingen zuiken, waren wie blaide verrast. T laidje dat aanvroagd was, was ‘Jezus is gain Sint Nikloas’ gezongen deur Bert Hadders. Over dit thema wilden wie wel meer waiten. Doarom hebben wie Fokko van der Struik uutneudigd om wat over dit thema te vertellen. Op dizze middag goan wie ook luustern noar Grunniger gedichten, wie goan Grunniger kouke eetn en wie goan zingen mit accordeonbeglaiding. Kortom, t wordt n heul gezellige middag woar de grunniger toal centroal stait. De middag is 19 november, begint om 16.00 uur en is in de BaptistenKerke in Muntendam.

Reactie toevoegen